Լենինգրադի մարզի կլինիկաներից մեկի աշխատակցուհին սենատոր Ալեքսանդր Բրիկսինին մեղադրել է բռնաբարության մեջ, գրում են ռուսական լրատվամիջոցները։
Ինչպես հայտնում են լրագրողները, աղջիկը բուժհաստատությունում մերսող է աշխատում, իսկ Բրիկսինը նրա մշտական հաճախորդն է։ Հունիսի 21-ին նա հրավիրել է նրան Մոսկվա գնալ «ջրում մերսման սեանսների անցկացման»՝ իբր տարած վիրահատությունից հետո։ Սենատորի կողմից կանխավճարը կարող էր կազմել 50 հազար ռուբլի։
Աղջկա համար սենյակ են վերցրել «Մերկուրի» հյուրանոցում։ Տղամարդը նրան հրավիրել է զբոսնել զբոսանավով, որտեղ սկսել է դիպչել նրան, բայց նա վանել է։ «Սակայն, նրա խոսքով, Բրիկսինը, միևնույն է, հանել է իր և աղջկա հագուստները, և նրանք սիրով են զբաղվել։ Այս ամենը, նրա խոսքով, իր կամքին հակառակ է եղել»,- գրում է Baza-ն։
Բրիկսինը «Եդինայա Ռոսիա» կուսակցության անդամ է և գլխավորում է Կեմերովոյի մարտի
ըմբշամարտի ֆեդերացիան։
2021 թվականի հոկտեմբերին նա նշանակվել է
Դաշնության խորհրդի անդամ Կուրսկի շրջանային Դումայից։
